最近天氣轉涼，開始懷念暖笠笠嘅飲品，「如果太多牛奶味，朱古力味無碇企，等到朱古力味返番嚟，牛奶味又唔爭氣」，聽完想唔想飲真係唔知，不過聽完第一句，個腦總會不自覺咁響起下一句，所以話，膾炙人口嘅廣告歌，幾時都係咁經典。唔講唔知，依首八十年代嘅廣告歌原來係鬼才黃霑嘅出品，除咗隻牛牛飲品，家計會嘅「兩個就夠晒數」同埋「人頭馬一開，好事自然來」，都係佢嘅作品。